මේසාහිත්‍ය මාසයයි.ජාත්‍යන්තර මහා පොත් සල්පිල ද මෙවරත් මේ මාසය තුළ කොළඹ දී පැවැත්වේ. දස ලක්ෂ ගණන් පාඨකයන් මෙම සල්පිලට පැමිණෙනු ඇත.පොත් මිළදී ගනු ඇත.තමන් විසින් මිළදී ගත යුතු නවකතාව,කෙටි කතාව,කාව්‍ය ග්‍රන්ථය හෝ ශාස්ත්‍රීය කෘතිය කුමක්දැයි බොහෝ පාඨකයනට දැනටමත් දැනුමක් ඇත.මේ දැනුම කවා ඇත්තේ පොත් ප්‍රකාශකයින් හා මෙහෙයවනු ලැබූ මාධ්‍ය විසින්ය.තරග, සම්මාන ආදිය විසින්ද කරනු ලැබ ඇත්තේ මෙම අනගි පූර්ව ප්‍රචාරයයි.අලෙවිය ඉලක්ක කර ගත් මෙම ප්‍රචාර හා සැසදී බොහෝ ප්‍රකාශකයින් විසින්“ රසාලිප්ත“කෘතීන් වෙළද පොළට ඉදිරිපත් කෙරෙනු ඇත.ලිංගික සම්බන්ධතා හුවා දක්වන නවකතා,කෙටි කතා ප්‍රකාශයට පත් කිරීමට ප්‍රකාශකයින්ද කර්තෘවරුන්ද උත්සුක වන්නේ එවැනි කෘතීන් ලෙහෙසියෙන් අලෙවි කළ හැකි නිසායැයි ප්‍රකටය.
කර්තෘ ප්‍රකාශකයින් යනු තමාගේ පොත තමා විසින්මවියදම් කොට මුද්‍රණය කරවා,ප්‍රකාශයට පත්
කරන ලේඛක ලේඛිකාවන්ය.ඔවුන් මෙසේ කරන්නේ වෙළදාම මූලික පරමාර්ථය කර ගත්ප්‍රකාශකයින්
අතින් මෙම පොත් ප්‍රකාශයට
පත් නොවන නිසාය.ලිංගික අවස්ථා ආදියෙන් තොර කෘතීන්, නීරස නොවටිනා කෘති ලෙස එකහෙලා
සළකන බොහෝ ප්‍රකාශකයෝ උසස් අරමුණු ඇතිව ස්වාධීන ලේඛකයින් විසින් රචිත
කෘතීන් පවා ප්‍රකාශනයට නිර්දය ලෙස ප්‍රතික්ෂේප
කරති.
එහෙත් කර්තෘ ප්‍රකාශකයින්ගේ පොත් අතර බොහෝ උසස්
කෘතීන් පවතින බව දන්නෝ දනිති.එවැනි විමසිලිමත් පාඨකයෝ, පොත් සාප්පුවල,රාක්කවල යටම
තට්ටු වල නොසැළකිල්ලෙන් අසුරා සගවා තබා ඇති,උසස් නවකතා කෙටි කතා ආදී පොත් සොයාගෙන
කියවා දැනුම හා වින්දනය ලබති.අද පවතින ප්‍රචාරක පෙරහැර හමුවේ,කොන්වී මුලු ගැන්වෙන
උසස් කතෘ ප්‍රකාශන සොයා ගැනීම මිණි කැට සොයා ගැනීම වැනි වටිනා එහෙත් වෙහෙසකර
වැඩකි.විවිධ ප්‍රචාරයෙන් සායම් ගන්වා ඉදිරිපත් කරන විවිධ කෘතීන් අතරින් සැබෑ
වටිනාකමක් ඇති ග්‍රන්ථ වෙහෙසවී සොයා ගන්නා ලෙස ආනන්දය හා ප්‍රඥාව සොයන නැණවත්
පාඨකයනට අපි ආරාධනා කරමු.
ජනප්‍රිය පොත් ගන්න ප්‍රදර්ශන යන එක මෝඩ කමක්. මොකද ජනප්‍රිය පොත් ඒ ප්‍රකාශකයින් ගාව කෝමත් ඩිසකවුන්ට ්එක ටලැබෙනවා.. පොත් ප්‍රදර්ශනයක අරමුණ විය යුත්තේ දුර්ලභ පොත පත සොයා කියවීමයි..
ReplyDelete