මිස් දුම්වැටි සහ මිස්ටර් බුද්ධි ගේ හමුවීම

මිස් දුම් වැටි :  සුමිතුර මම වෙමි දුම් වැටිය---ඹබගේ දුක සැප ළග හිටිය

                     ඇයිද අනේ අද අහක බලාගෙන---කියන්නකෝ මා කළ වරද

මිස්ටර් බුද්ධි ;  ඹබ කළ වැරදී  එමට ඇත --------ඉදිරියටත් එය කරනු ඇත

                    යනු යනු මාගේ දෑසට නොපෙනී--කිසිදා මාවෙත නො එන ලෙස

මිස් දුම් වැටි;   ආදරයෙන් මා එන කලට --------පන්නන්නේ ඇයි මේ ලෙසට

                      පොඩියට හිටියට කෙතරම් ලොකුවට - වැඩ කර පෙන්නලා නැද්ද මම

මිස්ටර් බුද්ධි;   ඹබගේ වැඩ ගැන ඹය ඇතිය -------දන්නෙමි ඹබ කළ හැම හදිය

                       කොමළ දමා සිනාව පාලා--------දැන් මා රවටන්නට බැරිය

මිස් දුම් වැටි;    ඉස්සර නම් මම හරි හොදය ----හිටියේ දෙතොලට ළං කරය

                        හිටිය ගමන් අනෙ ඹයාගෙ වෙනසට --හරි කාරණයක් නැහැ නේද?

                           {  බොරැවට අඩමින් ලේන්සුවෙන් කදුළු පිසියි]

මිස්ටර් බුද්ධි:  පෙනහළු පිළිකා රැගෙන එන ---හෘදය බාධා වළදවන

                     හිටිය ගමන් මගෙ නෑදෑ පරපුර --පරලොව යවමින් සිනාසෙන

                    ඹබ නම් මේ ලොව යකිනියකි ---සුර දුවකගෙ වෙස් ගත් නිතිනි

                     තායම් මායම් ඇති ඇති නුඹගේ --යනු යනු මෙතනින් යනු චුතවී

මිස් දුම් වැටි;   මගුල් ගෙදරදී ඹ්නැ වුනා --මළ ගෙදරදිත් ඹ්නැ වුනා

                       පාලුව යන්නට තනියට හිටියා--නරකයි මතකත් නැහැ ඒවා   [

         [   තරහින් අතින් ගසයි ]

                           රෑ නින්දට පෙර අඩ ගැසුවා ---වැසිකිළි යන්නෙත් මා සමගා

                       කරපු ඇසුර අමතක කරලා --ඉන්නේ කොහොමද මං නැතුවා ?

   

      [   කොමළ කරමින් යටැසින් බල බලා ඉගි කරයි ]

මිස්ටර් බුද්ධි;  කරපු මෝඩකම් නිමක් නැතේ --මින් පසු ඒවා කරනු නැතේ

                      මත්වැටි දුම් වැටි යක්ෂනියේ ----කියපන් හෙළිකර ඇත්ත උඹේ  (කෙස් වලින් අල්ලයි )

මිස් දුම් වැටි;   අනේ ! අනේ! මට ගසනු එපා --ඇත්ත කියන්නම් වෙස් ගලවා

                      එක එක අයගේ වෙළද ඇම ----අරගෙන මං ඹබ වෙත ආවා

                      දහසක් ලෙඩ අරගෙන ආවා --මුදල් පසුම්බිය හිස්  කෙරුවා

                      මහත්තයෝ නුඹ මෝඩ වුණොත් මට--ඹබෙ ජීවිතේම අදුරට යනවා.....

මිස් දුම් වැටි හඩ නගා කරපු වැරැද්දට බුද්ධිගෙන් සමාව අයැදියි-----(රැගුම නිමි )

(මෙය විවිධ ප්‍රසංග - සංදර්ශන ආදියේදී ගයමින් රග දැක්වීමට ඹබට රචකයා වන මම අවසර දෙමි.)

කලා කෘතියක සත්ය හා රමණීයත්වය truth and beauty’……….

කලා කෘතියක් නම් එය ජීවිතය , පුද්ගලයා හා සමාජය පිළිබද සත්‍යය එනම් යථාර්ථය විවරණය කරන්නේයැයි පිළිගැනීමක් වෙයි.

යථාර්ථය යනු හැමවිටම මතුපිටින් පෙනෙන ඇසෙන දෙයම නොවේ.ජීවිතය දෙසට කැඩපතක් යොමු කළහොත් අපට පෙනෙන්නේ ස්වභාවික දර්ශනයකි. මෙම ස්වාභාවිකත්වය මතු පිට පෙනුම මිස එය සම්පූර්ණ සත්‍යයම නොවේ.පුද්ගලයා මතු පිටින් දැකීමෙන් ඔහු පිළිබද සත්‍ය තත්වය වටහා ගැනීමට හැකිද?  බොහෝ විට පුද්ගලයා හෝ සමාජය පැළද සිටින්නේ වෙස් මුහුණකි. සත්‍යය ඇත්තේ එම මතු පිට වෙස් මුහුණට යටිනි.

කලාකරැවා සත්‍ය අනාවරණය කිරීමට නම් ඔහු මතු පිටින් පහසුවෙන් පෙනෙන දෙය පමණක් නොව  ඒ ඉක්මවා ගැඹුර දැකිය යුතු වෙයි.කලාකරුවා සාමාන්‍ය මිනිසාට ඉදිරියෙන් යිටිය යුතු යැයි කියන්නේ එම නිසාය.

සත්‍ය බොහෝ විට තිත්තයි. නීරසයි.එම නිසා නීරස ඇත්ත අනාවරණය කරන කෘතියක් කලා කාතියක් වන්නේ සත්‍ය රමණීයත්වයෙන් විවරණය කිරීමෙනි.රමණීයත්වය යනු නිර්මිත කලා කෘතියකින් විහිදෙන චමත්කාරයයි.එයට රසය යැයි ද කියමු.සහෘදයා කලා කෘතියකින් වින්දනය කරන්නේ එය හා බද්ධව ඇති අර්ථ රසය හෙවත් සත්‍ය හා රමණීයත්වයෙහි චමත්කාරයයි. 

උසස් කලා නිර්මාණයක සත්‍ය හා රමණීය බව දෙකක් නොව එකක්මය.ඒ දෙක වෙන් කිරීමට නො හැකි වනුයේ සත්‍ය රමණීයත්වයෙන් වෙන් කළ කල්හී එහි කලාව අතුරුදන් වන බැවිනි.රමණීයත්වයෙන් තොර කෘතිය සත්‍ය අඩංගු වාර්තාවක් පමණකි.

නිර්මාණ කරුවන් සත්‍ය ප්‍රකාශනය කෙරෙහි වඩාත් අවංක වී  එහි සෞන්දර්ය හෙවත් රමණීයත්වය ගැන නොසළකා හැරියහොත් ඔවුන්ගේ නිර්මාණ බොහෝ ජනයා අතර භාවිත නොවන සීමිත පිරිසකගේ පමණක් අවධානයට ලක්වන  කෘතියක් බවට පත්විය හැකිය.එසේම කෘතියෙන් ප්‍රකාශ විය යුතු මනා දුලබ සත්‍යයක් ගැන නොසළකා හුදු  විනෝදය පමණක් අරමුණු කොට කරන නිර්මාණයන්ද  ශ්‍රි ලංකාව වැනි චිරාගත උසස් සාහිත්‍ය සම්ප්‍රදායක් පවතින රටවල බහුතර ජනතාවකගේ පිළිගැනීමට බදුන් නොවේ.

ඉහත කරැණු සළකා බලන කළ මෙරට බහුතර ජනතාවකගේ පිළිගැනීමට ලක්වන  නිර්මාණ කෘති ප්‍රමාණවත්සත්‍ය හා රමණීයත්වයෙන් සපිරි කෘති වශයෙන් සළකා බැලිය යුතු බව පැවසිය හැකිය.

            කලා කෘතියක  සත්‍ය හා රමණීයත්වය truth and beauty’…යනු එයින් ප්‍රකාශනය වන ආනන්දය හා ප්‍රඥාවමයි.

“මගේ මව් බිම“

සිංහල; දමිළ මුස්ලිම් සැමට එකතු වී එකට ගායනය කළ හැකි ගී පද මාලාවක් පහත සදහන්ය. මෙයට ගැලපෙන මිහිරි තනුවක් යොදා ගායනය කිරීමෙන් අප සැම එක්වී පවත්වන සාද අවස්ථා කාටත් වඩාත්ම රසවත් කර ගත හැකිවනු ඇත.

මේ මගේ රටයි මේ මගේ උතුම් ජාතියයි

මා සුනිල්...මා සිවා ..මගේ නම සරෝජා

මා පාතිමා..කෝ මගේ පාරුෂා

මම තමයි සිසි පබා..කෝ ඉතින් රංජනා

මම තමයි හෙළ ධජේ වැජඹෙනා සිංහයා.....

මේ මගේ රටයි මේ මගේ උතුම් ජාතියයි..

සිරි මහ බෝධියයි පන්සලයි පල්ලියයි

කෝවිලයි පාසලයි සීගිරී සමනළයි

මේ මගේ සම්පතයි  මේ මගේ උතුම් ජාතියයි...

මගේ බස සිංහලයි  මගේ බස දමිළයයි..

සාහිතෙන් නාටකෙන්        මා ඉතින් හරි සරුයි.

මේ මගේ සම්පතයි  මේ මගේ උතුම් ජාතියයි..

මේ මගේ උතුම් ජාතියයි මේ මගේ උතුම් ජාතියයි  මේ මගේ උතුම් ජාතියයි......