හිරෝෂිමාවේ හෙලූ පරමාණුවේ
දුක් අදෝනා තව ඇසේ -ඒ අතීතය දිසේ
නවත්වනු මැන මිනිසුනේ-වියරු රණ ගෝෂා
කෝප ගිනි දැල් නිවා දා -රුදුරු
ගිනි අවි බිම හෙලා
බලනු මැන මිනිසුනේ
මිනිස් වග දුක්
වේදනා.....
රුදුරු අවි ගැටුණු තැන -ලේ මස් සුවද පහ නොවේ
සා ගින්න පිපාසය - පෙළයි
අසරණ මිනිසාව
තවත් මිනිසෙක් මිනිසකු
ට-තර්ජනය කරයි අවියෙන්
අහෝ මිනිසත් බව!!
ක්රෝධයෙන් දැල් වුණ- මහා ගිනි ජාලා නිවා
පැමිණෙන්න පැමිණෙන්න-විනාශය
අත ලගය
මනුසත් බව නුඹ කොයි ද?
මනු ලොවෙන් චුතව -පර
සක්වලක සැගවිණි ද?
එතනෙහිද නොසිට -අලු ධූලි
වී වායු වී
මේ මහා සක් වලින් -සදා
අතුරුදන් වීද?
අහෝ! මනුසත් බව,-මුර ගගා
සොයමි
නුඹ කොයිද? නුඹ කොයිද?
නුඹ කොයිද?....
මිනිසත්කම (නො ) දන්නා මිනිසුන්ව බලන්න වෙලා තියෙන වෙලාවක අපේ පැත්තෙත් ඇවිත් යන්න
ReplyDeletehttp://onemalaysiasinhala.blogspot.com